Ola de novo! Acabamos o curso pasado cantando música sacra e empezamos este mes de setembro con profana. Hai que equilibrar a balanza. Despois de dúas misas en Carmelitas e Concatedral, tivemos as nosas vacacións e agora xa estamos traballando para compartir a nosa pequena aportación á música coral. Neste mes cantamos dentro do programa de concertos no auditorio do Concello organizado por ACOPOVI. Fomos tamén a Berres (A Estrada) a cantar na bonita igrexa de San Vicente, dentro dos concertos que patrocina FECOGA (as fotos son desta actuación); estupenda música e acollida e un moi bo ambiente. Encantounos.
Cantando xunto á Coral de Berres
Igrexa de Berres e cruceiro. |
Agora, a preparar novo repertorio, e novas inquedanzas para tratar de mellorar no posible.